BASIN makoratan ang uban sa pulong nga herbal makatabang sa dugo. Ang pulong herbal una na nga gihisgutan sa bibliya niadtong paghuman ug buhat sa Dios sa kalibutan sa Genesis 1:29. Nagmention siya nga iyang gihatag ang herbs aron mahimong pagkaon nila ni Adan ug Eva.

Ang herbs nga iyang gipasabot mao ang prutas nga may liso. Human magpakasala sila ni Adan ug eva, naghisgot gihapon siya ug herbs of the fields nagpasabot sa mga gulay o hilamon nga Makita sa kapatagan o yuta. Busa ang pulong herbal dili lamang kini nagpasabot sa mga supplement nga mapalit sa pharmacia kundili naa usab kini sa palibot o sa imong kusina. Usa kini ka importante nimo nga masayran kay usa man usab kini ka importanteng pagkaon sa atong lawas particular na sa atong DUGO.

Gahapon nakadawat ako ug tawag sa usa ka tao nga may hepa b. ang hepa b, matud pa sa medical science walay tambal. Tinuod kay wala pa man natala ang maong tambal ug daghan pa nga processo ang kinahanglan aron ang mao nga tambal mapamatud-an nga epektibo. Kinahanglan usa ug dugay nga clinical studies. Apan may mga herbalist na nga gapanambal sa sakit nga hepa b. wala lang namantala tungod kay herbal lang man kini ug dili itugot sa BFAD nga ingnon nga makaayo.

Sa America, dili puede nga moingon ka nga makaayo ang mga herbal nga supplement. Apan puede kitang makaingon nga ang tanum makaayo. Murag kataw-anan, apan mao na ang situasyon. Mga synthetic drugs lang ang gitugotan sa paggamit ug therapeutic ug ang massage therapy. Apan wala nagpasabot nga ang herbal dili na makaayo kay daghan na ang natabangan sa herbal nga buhi pa karon. Sumala pa sa natala sa survey pinaagi sa “the amazing healing plants”, muabot sa 80% ang gagamit sa herbal plants alang sa pagpanambal sa ilang mga sakit.

Busa, kung moingon ko nga ang cucumber makaayo sa hepa b, puede ra?

ANIA ANG MGA SUGGESTED NGA MENU ARON MAKAHIMO PA UG DUGO ANG ATONG LAWAS.

Ato unahon ang mga kulay green nga gulay sama sa okra, cucumber, cabbage, baguio beans, green peas, green mongo, broccoli, green nga kamatis, green nga atsal, lemonsito, ampalaya, talong nga green, balatong, upo, patola, sayote, pilia ang mga green kaayo. Mga dahon nga green, malunggay, kamoteng dahon, ampalaya nga dahon, kalabasa nga dahon, sayote nga dahon, kulitis, ug uban pa nga green nga dahon (kini, lapwahan lang)

Ang mga nahisgutan sa taas puede ra nga dili nimo lutoon, kung lapwahan man, ayaw kaayo lataa. Sa una, lisoran ikaw niini, apan dako kini ug tabang sa pagbuhi sa imong dugo. Magsupply kini ug igong oxygen, makafunction pagayo ang imong dugo, makasupply ang atong nahisgutan ug mga vitamins and minerals ilabina sa protina. Niining paagiha ang mga virus ilabina ang hepa virus, influenza virus ug ubang bacteria dili makaarte aron sa pagbungkag sa structura sa imong dugo. Diha pa lang sa dugo ato na nga puohon ang mga virus ug bacteria nga dili kini sila mokatap pinaagi sa distribution sa dugo sa ubang mga cells.

MAO KINI ANG GULAY NGA KUNG IPARIS MAKAHATAG UG KAAYOHAN. Puede buhaton 1-3 days once a week. MAAYO KINI ALANG SA MGA DIABETIC, ASTHMAHON, DILI MAKALIBANG, HEART PROBLEM, ALLERGY UG BLOOD PROBLEM UG ILABINA SA NAGPASUSO SA BATA APIL ANG BUNTIS. Magdepende kini kung kaya sa imong ginhawaan.

2 Talong nga green, nindot nga iparis sa ¼ sliced nga ginagmay nga pinya, 3 kamatis nga green ug green nga onion. (puede sagolan sa extra virgin olive oil)

½ ampalaya (hilaw), kamatis nga green, lemonsito, ¼ pinya, dahon sa kulitis. (puede sagolan sa extra virgin olive oil)
½ glass boiled green peas, 12 baguio beans, malunggay nga nilapwahan ug hinog nga mangga hiwahiwaa sa ginagmay ug isagol. (puede sagolan sa extra virgin olive oil)

May daghan pa nga puede nimong mahimo nga pagkaon gikan sa mga gulay. Ang uban gipangsulod na sa mga capsule aron masayon lang kining makaon ug kini sila gitawag ug herbal dietary supplement. Tanawa kung unsa usab ang ilang mga formulation nga mga gulay. Sa insaktong dosage, makatabang usab kini kanimo. Kay ang kalibutan na usab na. Kung kaniadto matud pa nga “eat well to live well”, apan aduna na kiniy sumpay gikan sa “eat well to live well and take dietary supplement to live happy.” Maayong buntag!

Print PDF