Sinulat ni Arjay S. Felicilda
Caraga Bureau Chief

DILI kinahanglang maglagot kung mamadlong sa mga nakasupak sa balaod.

Kini gimatuod ni Punong Brgy. Rodolgo Panuga sa MJ Santos, Butuan City kaniadtong udto sa petsa-26 sa Hulyo ning tuiga sa dihang iyang napasurender ang 19 ka improvised nga pusil gikan sa lumolupyo sa iyahang barangay.

Ang tanan, iyang gipaagi sa estoryahanay o “Pulongpulong on Anti-criminality and the Illegal Manufacture of Improvised Firearms”.

Sumala ni P/Supt. Martin Gamba, info officer sa Police Regional Office sa Cagara (PRO-13), ang maong improvised firearms ginama sa PVC pipes nga holin (marbles) ang bala.

Ang gisurender nga mga armas gihipos karon sa Butuan City Police Station 5.

Dinhi sa Mindanao Daily Balita (MDB), ang ingon niana nga matang sa armas, gitawag og ‘pusil-syumoy’ kay holin man ang bala nga duwaan o i‘syumoy’ lang unta sa kabataan.

Ang kampanya batok sa illegal nga mga armas, gipangusgan kanunay sa PRO-13, ubos ni P/Chief Supt. Reynaldo Rafal, PhD. (base sa report ni po2 darlin cabalinan-migullas)

Print PDF