Konseho mipahalipay sa Miss World 2013

HUGOT nga gipahalipayan sa konseho sa syudad ubos ni bise mayor Caesar Ian Acenas ang bag-ong nakoronahang Miss World 2013.

Sa Resolosyon No. 11482-2013 nga gisagop sa konseho sa sesyon niadtong Lunes, gipahalipayan si Megan Young, ang labing unang Pinay nga naka-angkon sa maong titulo atol sa gipahigayong Miss World Pageant sa Bali, Indonesia niadtong miaging Sabado.

Si konsehal Dante Pajo, kinsa maoy miduso sa resolosyon, mipasabot nga dakong garbo alang sa nasud ang naangkong kalampusan sa dalagita.

Taliwala sa mga hulga sa kalinaw ug kahusay sa nasud, ang kadaugan ni Young naghatag og paglaum sa tanang Pilipino nga maangkon gihapon nato sa umaabot ang gilantawng panaghiusa, kaarangan sa ekonomiya ingon man ang kahusay ug kalinaw, pamahayag ni Pajo.

Post Author:

Leave a Reply