Konsehal misugyot paggamit og solar energy

SI konsehal Bong Lao, chairman sa komite sa energy sa konseho, misugyot sa paggamit og solar energy ilabina dinha sa mga suga sa kadalanan.

Sa sesyon sa konseho niadtong Lunes nga gidumala ni bise mayor Caesar Ian Acenas, ang konsehal mipadayag sa iyang namatikdan nga 75 porsyento sa kinatibuk-ang balayronon sa kuryente sa kagamhanan sa dakbayan naggikan sa streetlights.

Matod niya nga panahon nang mobubo og igong puhunan ang dakbayan alang sa solar energy ug pag-convert sa mga streetlights ngadto sa solar energy power drives.

Dako ang madaginot sa syudad dili lang sa balayronon kun dili sa kuryente mismo nga giingong nagkanihit na, dugang ni Lao.

Hinuon, si konsehal Ramon Tabor mipasabot nga dako ang magasto sa pag-instalar sa solar enegy tungod kay kinahanglan pa niining tangtangon ang kasamtangang mga koneksyun ug pagbutang sa dugang separate special connection ug wirings aron mapasiga ang mga suga.

Ang sugyot ni Lao giduso ni bise mayor Acenas ngadto sa komite sa energy alang sa makuting pagtuon ug rekomendasyon. (JRG)

Post Author:

Leave a Reply