50,000 tawo mohugpa sa Cag. de Oro ugma

Sinulat ni Jun Felicilda, City Editor

GIPAABOT nga hugpaan sa dili mominus 50,000 ka tawo ang dakbayan sa Cagayan de Oro ugma.

Kini, atol sa proclamation rally sa United Nationalist Alliance (UNA) nga pangunahan ni Vice President Jejomar Binay.

Sa iyahang program sa Magnum Radyo, si City Mayor Vicente Emano, kinsa maoy pangulo sa partidong rehiyonal Padayon Pilipino, miingon nga andam na silang tanan alang sa maong kalihokan.

Siya naniguro nga “mas-daghan pa ang mga tawo’ng motambong sa among rally ugmang adlawa, komparar sa rally sa Liberal Party (LP) uban ni Presidente Aquino kaniadtong Martes.”

Gibutyag niya nga gawas kang Vice President Binay, motambong usab sila si kanhi Presidente Erap Estrada, Senate President Juan Ponce Enrile ug mga kandidatong senador sa UNA.

Kini diha pagahimoon sa Pelaez Rotonda sa Barangay Nazareth, sugod sa alas-6 sa gabii.

Sa samang programa sa radyo, giwitkan ni Mayor Emano ang rally sa LP kaniadtong Martes.

“Ako nagtoo nga ang mga kandidatong lokal sa Liberal wala gayud nalipay sa diskurso ni Presidente P-Noy kay giproklamar lagi sila, pero ang gitutokan sa kampanya sa President mao ang national nga mga kandidato. So wala mosalir ang ilang pagdagandagan, sunodsunod, umpak-umpak, pasipsip, unsa pa diha,” pulong sa mayor. (JF/jdelpf)

Login

Welcome! Login in to your account

Remember me Lost your password?

Lost Password