Ang engkanto sa Balete

Pelone

ANG dulang Suertres kon 3-digit raffle draws nga gipasiugdahan sa Philippine Charity Sweepstakes Office (PCSO) maoy hilabihang gikabuangan karon sa kadaghanan.

Ang uban bisan og dili padamguhon gusto gayud nga makadamgo og numero sa pamasin nga modaug.

•••

Didto sa layong dapit adunay magtiayon nga walay anak.

Hilabihan gayud ang problema sa bana tungod kay ang iyang asawa nagumon naman sa Suertres.

Tiaw mo nga bisan ang depasaherong sakyanan nga masakyan niya paingon ug pauli gikan sa trabaho pangayuon gayud sa iyang asawa matag uli niini––ug kon walay numero nga mahatag, sigurado gyud nga “outside de kulambo” siya.

Aduna gani mga panahon nga kung manilhig kining asawa sa dakong puno-an sa “Balete” masige kini og yawyaw kay sige man kuno siyag kapusoy sa dulang “Suertres.”

Tungod sa ka adik niini sa Suertres, madunggan ni Mister nga mag-ihap ang iyang Misis. Diay, gi-ihap sa iyang misis ang tingog sa “Tuko” kung kanus-a kini maundang aron maoy himoong pamoste inig ka ugma.

Apan bisan pa sa pagpaningkamot ni Misis nga modaug, kanunay niyang madungog kining iyang asawa nga moingon sa ilang kumpare:

“Matay Pre noh, kung kanang imong tumoy ang maoy miigo sa akong tunga pwerte untang igo-a.”

Usahay, bisan ang “time in” o oras sa pag-abot sa bana didto sa iyang opisina, pangutan-on pa ni Misis.

Adunay mga gabii nga magsigeg yawyaw og numero ang iyang misis––ug ang nakapait kay siya ra ba ang pangutan-on kung unsa nga mga numero ang migawas sa iyang mga ngabil.

Usa ka higayon, samtang nanilhig si Misis ilawon sa dakong punoan sa Balete, adunay usa ka gamay nga papel ang nahulog. Gipunit kini niya ug dako ang iyang kakurat kay aduna kini upat ka numero nga 279, 289, 772, ug 828.

Wala maglangan ang Misis ug iya kining gipatdan gilayon sa tulo ka hugna––11 a.m., 4 p.m. ug 9 p.m. draws.

Pagka-ugma grabe ang bagolbol ni Misis ilawon sa dakong punoan sa Balete kay napusoy man siya maong mga numero.

Apan wala ka-agwanta ang Enkangto sa Belete busa mitubag kini ug nagkanayon: “Amo na gani kanang gilabay nga papel Manang kay usa ka bulan na namo kanang gi-maintain apan wala gyud migawas.”

Login

Welcome! Login in to your account

Remember me Lost your password?

Lost Password