Brgy Camp 1 gidayeg

Sinulat nila ni SAMMY TE

GIDAYEG sa mga katawhan ang gihimo sa mga opisyales sa Barangay Camp 1 sa lungsod sa Maramag tungod sa ilang gihimo nga karatola sa mga “CHILDREN’S CROSSING.” Ang mga sakyanan mopahinay sa pagpadagan human nila mabasa ang “SLOW DOWN.” Tungod niini mikunhod ang mga aksidente sa maong dapit sahi kaniadto nga halos matag semana adunay mahitabo didto sa maong dapit.

Kini unta ang himoon sa ubang barangay aron maampingan ang kinabuhi sa atong mga kabataan.

Sa laing bahin gidayag ni Punong Barangay Regulo Pahalla nga ang ilang barangay hall hapit nang mahuman. Ang galastohan niini gikan sa lalawigan 800 thousand pesos, gikan sa barangay 600 thousand pesos, gikan sa LGU Maramag (Barangay Project Assisstance) 100 thousand pesos.

Igatukod usab nila ang barangay stage 200 thousand pesos gikan ni Senator Migz F. Zubiri, Water System 150 thousand pesos gikan ni Kongresman Jose Marie F. Zubiri ug dugang 270 thousand pesos alang sa barangay hall gikan sa probinsiya.

0 Comments

Leave a Comment

Login

Welcome! Login in to your account

Remember me Lost your password?

Lost Password