CDRRMC misagop sa five-year DRRM Plan

GISAGOP SA City Disaster Risk Reduction and Management Council (CDRRMC) ang detalyadong lima ka tuig nga Cagayan de Oro City Disaster Risk Reduction Management Plan nga magsugod karong tuiga ngadto sa 2017.

Kini, atol sa tigom sa hunta nga gidumala ni Bise Mayor Caesar Ian Acenas, vice chair sa CDRRMC.

Base sa plano, ipahigayon ang mga kalihokan nga magpaminus sa epekto sa kalamidad ug mapalapdan ang pagpangandam alang sa katalagman, disaster response, disaster recovery ug rehabilitation dinhi sa syudad.

Karong tuiga, ang CDRRMC mo-institutionalize sa Climate Change Adaptation (CCA) ug Disaster Risk Reduction (DRR) nganha sa mga palisiya sa mga barangay ug sa syudad ug maninguha og gahin nga pundo alang sa maong katuyoan.

Lakip sa mga kalihokang nahan-ay karong tuiga ang pagrelokar sa mga nanimuyo sa high risk ug No Build Zones ug pagproteher sa kasubaan ug kasapaan sa syudad.

Malaumon si Bise Mayor Acenas nga mahitsas ug maandam ang dakbayan sa pagresponde sa panahon sa katalagman, apan matud niya nga gikinahanglan gihapon ang pag-ampo nga magiyahan ug mahatagan sa tukmang kasibot ang tanan alang sa kalampusan niini. (The Power/asf)

Login

Welcome! Login in to your account

Remember me Lost your password?

Lost Password