Duha ka Agusanon nakasakmit og medalya sa Batang Pinoy Games

Sinulat nila ni Ian Onyot ug Manuel M. Egay Jr. ,Caraga Regional Editor

Agusan del Sur – Nasakmit sa duha ka mga batang taga Agusan del Sur ang bulawang medalya sa dulang chess og karatedo sa bag-ohay pa lamang natapos nga Philippine Olympic Committee – Philippine Sports Commission Batang Pinoy Games Mindanao qualifying leg didto sa Dapitan City, Zamboanga del Norte.

Si Allaney Jia Doroy maoy naka angkon sa gold medal sa dulang chess samtang si Mark Gil Yriarte mao usab ang nahimong mananaog sa kata competiotion kung diin naka angkon siya og score nga 7.7, 7.7 og 7.9 gikan sa mga hurado.

Ang duha maoy mahimong mo representar sa Mindanao ngadto sa ubang mga isla sa nasud alang sa National Championship nga himuon didto sa Iloilo City karong Dec. 5 hangtud 7 karong tuiga.

Ang Batang Pinoy usa kini ka programa alang sa mga batang mag edad 15 paubos nga paga partisiparan sa mga local nga panggamhanan. Sugod kining na implementar sa panahon sa administrasyong Estrada og gipadayon kini ni Pres. Benigno Aquino III aron nga maka angkon ang nasud og mga dekalidad nga mga atleta.

Si Doroy, 11 anyos, usa ka Grade 5 sa San Francisco Pilot Elementary School og naka representar na kini sa nagka lain-laing kompetisyon sa chess bisan pa man sa laing nasud. Samtang si Yriarte usa ka 2nd year high school sa Agusan del Sur National High School og naka angkon na usab og mga kadaugan sa esport nga karatedo.

Gisuportahan usab sa Probinsya sa Agusan del Sur ang nasangpit nga atleta ilabi na kay naka hatag kini og dakong dungog sa Probinsya.

Matud pa ni Danilo Garcia, Provincial Sports Coordinator nga ang maong mga atleta inabagan usab og suportang pinansyal og moral sa administrasyon ni Gobernador Adolph Edward G. Plaza.

Nanghinaut usab si Garcia ngadto sa panggamhanang probinsya nga mabalik ang athletic scholarship program aron nga maka angkon ang probinsya sa mga dekalidad nga mga atleta.

Login

Welcome! Login in to your account

Remember me Lost your password?

Lost Password