Mga barangay gibahaan

Sinulat ni Arjay S. Felicilda, News Editor

KORONADAL City – Gibahaan ang pito ka barangay sa lungsod sa Norala, South Cotabato tungod sa grabing ulan sukad kaniadtong Sabado, sumala sa mayor sa lungsod.

Apektado ang 526 ka pamilya gikan sa Barangay Poblacion, Esperanza, San Jose, Lapuz, Liberty, Simsiman ug Matapol.

Low pressure area ang miigo sa nahisgotang mga barangay, sumala sa PAGASA.

Nagkanayon ang report nga gibarahan sa mga troso ang dam ug mga agi-anan sa tubig mao nga naglunop ug nagbaha sa apektadong barangay.

Nagtinabangay ang katawhan pag-clearing sa mga agi-anan sa tubig aron malikayan ang mga kadaut sa umahan.

Mitabang usab ang PDRRMC pagmonitor sa mga apektadong barangay samtang nagpadayon ang kusog nga ulan.

Ang mayor mirekomendar nga ipahimutang ubos sa state of calamity ang iyahang lungsod. (Basi sa report ni Aida C. Agad, PIA12)

Login

Welcome! Login in to your account

Remember me Lost your password?

Lost Password